საქართველოს 19 წლამდე ფეხბურთელთა ნაკრები გიორგი დევდარიანის ხელმძღვანელობით თურქეთში მოემზადება, სადაც ორ ამხანაგურ შეხვედრას პოლონელ თანატოლებთან ჩაატარებს. ბათუმის „დინამოს“ ნახევარმცველი ბექა ჭკუასელი 19 წლამდელთა ნაკრებს გუშინ გამართული შეხვედრის შემდეგ შეუერთდა. დევდარიანის შეგირდები ევრო-2015-ის ელიტ რაუნდისთვის ემზადებიან, რომელიც მაისის ბოლოსა და ივნისის დასაწყისში თბილისში ჩატარდება.