ზედიზედ ხუთი მოუგებელი მატჩის შემდეგ „დინამო“ ბათუმმა, „ჩელე არენაზე „სამტრედია“,  ბერიაშვილის დუბლით დაამარცხა.

პირველი გოლი დინამოელთა თავდამსხმელმა ქავთარაძის გადაცემით გაიტანა – მარჯვენა ფლანგიდან წამოწყებული შეტევა  ბერიაშვილმა კარგად გააგრძელა. გზად ერთი მცველი ჩამოიშორა და ანგარიში მატჩის დებიუტშივე გახსნა. შეხვედრაში მეორე გოლი მატჩის მიწურულს, 71-ე წუთზე გავიდა – შეცვლაზე შემოსულმა ვარშანიძემ, მოედნის ცენტრში სამტრედიელთა ნახევარმცველს ბურთი ოსტატურად წაართვა და ბათუმელთა თავდამსხმელი მეკარესთან ერთი-ერთზე დატოვა – 2:0.

შემდეგ შეხვედრას „დინამო“ 23 ოქტომბერს, სტუმრად, ლანჩხუთის „გურიასთან გამართავს.

“დინამო” ბათუმი 2 – 0 “სამტრედია“

გოლები: 1 – 0, 2 – 0, ბერიაშვილი 5 წთ. და 71 წთ.(ქავთარაძე/ვარშანიძე)

გაფრთხილება: თევდორაძე, ვარშანიძე, ტეტუნაშვილი

მთ. არბიტრი:გ. ვადაჭკორია

“დინამო“:ალავიძე, ქათამაძე (ტეტუნაშვილი 46 წთ.), მახარაძე, გოგიტიძე, სუხიაშვილი, მგელაძე, თევდორაძე (ვარშანიძე 60 წთ.), ქავთარაძე, კვანტალიანი (ჩირიკაშვილი 75 წთ.), ბერიაშვილი, აბუსელიძე.
სათადარიგოები: მამინაშვილი, დიასამიძე, ფონიავა, ლუისმედინა.